مقبوضہ بیت المقدس میں اسرائیلی فوج اور فلسطینی شہریوں کے درمیان کشیدگی کا سلسلہ بدستور برقرار ہے۔ اطلاعات کے مطابق شمالی القدس کے شہر عناتا میں قابض فوج نے فلسطینیوں کی ایک احتجاجی ریلی پر ربڑ کی گولیوں کی بوچھاڑ کردی
جس کے نتیجے میں ایک فلسطینی نوجوان شدید زخمی ہوگیا۔
مرکز اطلاعات فلسطین سے ملنے والی اطلاعات میں بتایا گیا ہے کہ اسرائیلی فوج کی ربڑ کی گولیوں کے حملے کے دوران ایک پچیس سالہ نوجوان اس وقت زخمی ہوگیا جب کئی گولیاں براہ راست اسے آلگیں۔ عینی شاہدین کے مطابق نوجوان کو تین گولیاں لگیں، ایک اس کے چہرے، ایک سر اور ایک پاؤں پر ماری گئی جس کے جس کے نتیجے میں وہ شدید زخمی ہوگیا۔ اسے شدید زخمی حالت میں رام اللہ کے قریب ایک اسپتال میں منتقل کیا گیا ہے جہاں اس کی حالت خطرے میں بیان کی جاتی ہے۔
ہفتے کے روزعناتا اور دیگرعلاقوں میں اسرائیلی فوجیوں اور مقامی فلسطینی شہریوں کےدرمیان کشیدگی جاری رہی، فلسطینی شہریوں نے اسرائیلی فوج کی گاڑیوں پر پھتراؤ کیا، جس سےا سرائیلی فوج کی کئی گاڑیوں کو بھی نقصان پہنچا ہے۔ جواب میں قابض فوج نے فلسطینی شہریوں پر اشک آور گیس کے شیل پھینکے اور ربڑ کی گولیاں چلائیں۔
بشکریہ: مرکز اطلاعات فلسطین