رپورٹ کے مطابق بشار مصالحہ نامی فلسطینی نوجوان کو حال ہی میں صہیونی فورسز نے یافا شہر میں گولیاں مار کر شہید کردیا تھا۔اسرائیلی فوج نے الزام عائد کیا تھا کہ المصالحہ نے یافا میں اسرائیلی بارڈر پولیس اہلکاروں پر چاقو سے حملہ کرکے ایک فوجی اہلکار کو ہلاک اور 13 کو زخمی کردیا تھا جس کے جواب میں فوج کو کارروائی کرنا پڑی ہے۔
مقامی فلسطینی ذرائع نے بتایا کہ جمعہ کو علی الصباح دسیوں یہودی فوجیوں نے حجہ قصبے میں ان کے مکان کا محاصرہ کیا۔ قابض فوجی مکان کی دیواریں اور پھلانگ کراندر داخل ہوئے۔ گھرمیں موجود خواتین اور بچوں کو زدو کوب کیا۔ بعد ازاں اہل خانہ کو ایک تحریری نوٹس دیا گیا جس میں انہیں کہا گیا ہے کہ وہ فوری طورپر اپنا مکان مسمار کردیں۔
خیال رہے کہ صہیونی فورسز نے گذشتہ روز بھی شہید المصالحہ کے گھر پرچھاپہ مار کر گھر میں موجود شہید کے والد اور بھائیوں کو حراست میں لے لیا تھا۔