اسرائیلی فوج نے وادی اردن میں ٹینٹ اور گودام تباہ کردیا

قابض اسرائیلی فوج نے پیر کو طوباس میں وادی اردن پر دھاوا بول دیا اور وہاں فلسطینی کسانوں کے ملکیتی ٹینٹ اور ایک گودام تباہ کردیا۔

مقامی ذرائع نے مرکز اطلاعات فلسطین کے نمائندے کو بتایا کہ تقریبا 20 فوجی گاڑیاں اور بلڈوزر علاقے میں دندناتے ہوئے گھس آئے اور مغربی کنارے کے علاقے طوباس میں الحدیدیہ کے علاقوں میں متعدد ٹینٹ اور زرعی گودام تباہ کرنا شروع کردئیے۔

ذرائع نے مزید بتایا کہ اسرائیلی فوجیوں نے رہائشیوں کو دھمکی آمیز لہجے میں کہا کہ وہ عطوف گائوں کو اس کے فلسطینی رہائشیوں سے خالی کروا لیں تاکہ وہ زمین یہودی آبادکاری کے منصوبوں میں استعمال ہوسکے۔

اسی دورانیے میں اسرائیلی بلڈوزرز نے عطوف گائوں کے مشرقی علاقے الراس الاحمر کے علاقوں میں فلسطینی املاک کو تباہ کردیا۔

بشکریہ:مرکزاطلاعات فلسطین