اسرائیلی فوج نے منگل کی صبح مغربی کنارے کے شمالی شہر نابلس میں تمام فوجی ناکے بند کردئیے جس کی وجہ سے پورے شہر میں ٹریفک کا مسئلہ گھمبیر صورت اختیار کرگیا ہے۔
اسرائیلی ذرائع نے دعویٰ کیا ہے کہ یہ پابندیاں اور سرچ آپریشن ایک اسرائیلی گاڑی پر فائرنگ کے بعد سے عمل میں آرہے ہیں۔
عینی شاہدین کے مطابق رام اللہ سے نابلس شہر آںے والی سڑک کو بند کردیا گیا تھا جس کے نتیجے میں بہت برا ٹریفک جام دیکھنے کو آیا۔
اس سے پہلے اسرائیلی فوج نے شہر کے مختلف حصوں میں چھاپے مارے جن میں بلاطہ مہاجر کیمپ، قدیم شہر اور سہل رجیب شامل ہیں۔ قابض فوج نے شہر پر دھاوا بولتے ہوئے روشنی کے گولے اور سائونڈ بم کا استعمال کیا تھا۔
تقریبا 25 فوجی گاڑیوں نے شہر پر دھاوا بولا تھا جس کے بعد تصادم شروع ہوگئے۔ اس واقعہ میں کسی حراست یا کسی کے زخمی ہونے کی اطلاعات موصول نہیں ہوئیں۔
بشکریہ:مرکز اطلاعات فلسطین