مقامی فلسطینی ذرائع نے بتایا کہ ہفتے کے روز اسرائیلی فوجیوں نے شہید مہند الحلبی کے مکان کا محاصرہ کیا اور گھر میں موجود تمام افراد کو باہر نکالنے کے بعد بلڈوزر کی مدد سے مکان مسمار کردیا۔
مکان مسماری کی کارروائی کے دوران فلسطینی شہریوں نے صہیونی فوج کی کارروائیوں کے خلاف سخت احتجاج کیا۔ قابض فوجیوں نے مکان مسماری کی کارروائی کے دوران احتجاج کرنے والے فلسطینیوں لاٹھی چارج کیا اور ان پر دھاتی گولیوں سے فائرنگ کی جس کے نتیجے میں تین فلسطینی زخمی ہوئے ہیں۔
رپورٹ میں بتایا گیا ہے کہ دھاتی گولیوں سے زخمی ہونے والے تین شہریوں کو اسپتالوں میں منتقل کیا گیا ہے جنہیں درمیانے اور معمولی درجے کے زخم آئے ہیں۔
شہید مہند الحلبی کے مکان مسماری کے آپریشن سے قبل سردا قصبے کے تمام داخلی اور خارجی راستے بند کردیے گئے تھے۔ قصبے کے اطراف اور اندر بڑی تعداد میں صہیونی فوجی اور پولیس اہلکار تعینات تھے۔
خیال رہے کہ مہند الحلبی کو چند ہفتے قبل یہودی آباد کاروں پر چاقو سے حملہ کیا جس کےنتیجے میں ایک یہودی ہلاک اور دو زخمی ہوگئے تھے۔صہیونی فوجیوں نے جوابی کارروائی کرتے ہوئے مہند کو گولیاں مار کر شہید کردیا تھا۔
خیال رہے کہ یکم اکتوبر 2015 ء کے بعد سے فلسطین میں جاری تحریک انتفاضہ صہیونی فوج کی دہشت گردی کے نتیجے میں 150 فلسطینی شہید اور ہزاروں کی تعداد میں زخمی ہوگئے ہیں۔