اسرائیلی فوج نے دو فلسطینی لڑکوں کو شہید کر دیا

اسرائیلی فوج نے دو نو عمر فلسطینیوں کو شہید کر دیا ہے۔ ان دونوں پر اسرائیلی فوج کو شک تھا کہ یہ ماہ جون کے دوران تین اسرائیلی نوجوانوں کی ہلاکت میں ملوث تھے۔
 
اسرائیل پچھلے کئی ماہ سے الخلیل کے علاقے میں مروان قواسمہ اور عامر ابوعیشہ کی تلاش میں تھا۔ ان کے بارے میں کہا گیا تھا کہ انہوں نے تین اسرائیلوں کو ماہ جون میں پکڑ کر مار دیا تھا۔ انہیں مبینہ طور پر ایک یہودی بستی کے قریب قتل گیا تھا۔
 
تاریخی شہر الخلیل کے لوگوں کا کہنا ہے کہ اسرائیلی فوجیوں نے صبح ہونے سے پہلے ہی ایک گھر کا محاصرہ کر لیا اور وہاں سے گولی چلنے کی آوازیں آئیں۔
 
اسرائیلی فوج کے ترجمان لیفٹیننٹ کرنل پیٹر لرنر کا کہنا ہے "فوج اور پولیس دونوں ان فلسطینی لڑکوں کی تلاش میں تھیں کہ گولی چل گئی، ہم نے گولی چلائی جوابا انہوں نے فائر کیا اور اسی دوران وہ ہلاک ہو گئے۔”
 
اسرائیلی فوجی ترجمان کے مطابق "ایک کی ہلاکت کی تصویروں سے تصدیق ہو گئی ہے جبکہ دوسرے کی ہلاکت کی ابھی تصدیق ہونا باقی ہے۔”