مقامی ذرائع نے مرکزاطلاعات فلسطین کو بتایا کہ جمعہ کے روز مغربی کنارے میں تین مختلف مقامات پر من احتجاجی مظاہرے کیے گئے۔ ان میں سے ایک مظاہرہ بلعین، دوسرا نعلین اور تیسرا المعصرہ میں کیا گیا۔ پرامن احتجاجی مظاہروں میں غیرمعمولی تعداد میں شہریوں نے شرکت کی۔ مظاہرین نے ہاتھوں میں بینر اور کتبے اٹھا رکھے تھے جن پر مغربی کنارے میں یہودی توسیع پسندی، صہیونی فوج کی منظم ریاستی دہشت گردی اور دیوار فاصل کی تعمیر روکے جانے کے مطالبات درج تھے۔ مظاہرین خود بھی قابض اسرائیلی ریاست کے خلاف شدید نعرے بازی کی۔ احتجاجی مظاہروں میں کئی غیرملکی بھی شریک ہوئے۔
عینی شاہدین کے مطابق صہیونی فوجیوں نے مظاہرین کو منتشر کرنے کے لیے ان پر لاٹھی چارج کیا، ربڑکی گولیاں چلائیں اور آنسوگیس کی اندھا دھند شیلنگ کی جس کے نتیجے میں دسیوں افراد زخمی ہوگئے۔
نعلین میں مظاہرے کے دوران اسرائیلی فوجیوں کے پھینکے گئے آنسوگیس کے شیل شہریوں کے گھروں میں جا کر گرے جس کے نتیجے میں گھروں کے اندر موجود خواتین اور بچے بھی دم گھٹنے سے متاثر ہوئے ہیں۔
بشکریہ:مرکزاطلاعات فلسطین