اسرائیلی فوجیوں کے ساتھ جھڑپ میں دسیوں فلسطینی زخمی

(فلسطین نیوز۔مرکز اطلاعات) غرب اردن کے شہر جنین میں غاصب صہیونی فوجیوں اور فلسطینیوں کے درمیان ہونے والی جھڑپ میں دسیوں فلسطینی زخمی ہوگئے ہیں۔

فلسطین نیوز کو موصول ہونے والی اطلاعات کے مطابق جمعرات کے روز غرب اردن کے شہر جنین میں غاصب صیہونی حکومت کی سیکڑوں فوجی گاڑیوں کے داخل ہوتے ہی صیہونی فوجیوں اور فلسطینیوں کے درمیان جھڑپ شروع ہوگئی جس کے نتیجے میں دسیوں فلسطینی زخمی ہوگئے۔ غاصب اسرائیلی فوجی فلسطینیوں کے گھروں کو مسمار کرنے کے لئے اس شہر میں آئے تھے۔ قابل ذکر ہے کہ فلسطینیوں کے گھروں کو منہدم کرنے کی صیہونی حکومت کی ظالمانہ کارروائی میں دوہزار سولہ میں تیزی آئی ہے اور صیہونی حکومت تعمیر کا اجازت نامہ نہ ہونے کے بہانے فلسطینیوں کے گھروں کو منہدم کر رہی ہے۔ فلسطینیوں کے گھروں کو منہدم کرنے کی صیہونی حکومت کی کارروائی کا اصل مقصد فلسطینیوں کو اپنے وطن سے نکلنے پر مجبور کرکے ان کی جگہ پر صیہونی آبادکاروں کو بسانا ہے۔