اسرائیلی فوج نے ہفتے کے روز نماز فجر کے بعد مغربی کنارے کے شہر جنین اور اس کی بلدیہ یعبد کی ناکہ بندی کر دی۔ قابض فوجیوں نے اس کارروائی کے بعد اہالیاں علاقہ کو اشتعال دلانے والی کارروائیوں کا سلسلہ شروع کر دیا جس کے بعد یعبد میونسپلٹی میں جھڑپوں کا سلسلہ شروع ہو گیا۔
مقامی ذرائع نے بتایا کہ قابض فوجیوں نے جنین شہر کی ناکہ بندی کر کے الزھراء کالونی میں واقع محکمہ تعلیم کے دفاتر کو جانے والی سکول روڈ ہر قسم کی ٹریفک کے لئے بند کر دی۔ اسرائیلی فوجیوں نے یعبد کی مغربی سمت کی جانب سے مرکزی شاہراہ کو ملانے والی کچی پگڈنڈیوں کو بھی ناکے لگا کر بند کر دیا اور علاقے میں بڑے پیمانے پر سرچ آپریشن کا آغاز کر دیا۔
اہالیاں علاقہ نے بتایا کہ قابض فوج نے جنوبی جنین کی یعبد میونسپلٹی پر فجر کے وقت حملہ کیا اور شہریوں کو اپنی اشتعال انگیز کارروائیوں کا نشانہ بنایا، جس کے بعد شہری مشتعل ہو گئے انہوں نے قابض فوجیوں پر پتھراو شروع کر دیا۔ مظاہرین کو منشتر کرنے کے لئے اسرائیلی فوجیوں نے آتشیں اسلحہ استعمال کیا اور شہر کے داخلی راستوں پر ناکہ لگا دیا۔