بیت المقدس کی صیہونی مجسٹریٹ عدالت نے 1948ء کے مقبوضہ فلسطینی علاقوں کی فلسطینی تنظیم اسلامی تحریک کے رہنما شیخ رائد صلاح کو اشتعال پھیلانے کا ذمہ دار قرار دے دیا ہے۔
عبرانی روزنامے کی ویب سائٹ کے مطابق شیخ رائد صلاح پر تعصب پھیلانے کا ایک اور الزام بھی لگایا گیا اور ان دونوں الزامات کی فرد جرم عائد کردی ہے۔
اطلاعات کے مطابق یہ الزام فروری 2007ء میں لگایا گیا تھا جب کہ شیخ صلاح نے مسجد اقصٰی میں خطبہ دیتے ہوئے فرمایا تھا کہ،”ہمارے لئے وہ لمحہ سب سے زیادہ خوشی کا ہوگا جب ہم مسجد اقصٰی کے صحن میں شہید ہوں گے۔” اسرائیلی استغاثہ نے اس خطبے کو اشتعال اور تعصب پھیلانے کا ذمہ دار قرار دیا اور ان دونوں الزامات کو فرد جرم کی فہرست میں شامل کر لیا ہے۔