مقامی فلسطینی میڈیا کے مطابق تل ابیب شہر کی صہیونی بلدیہ کے حکام نے بلڈوزروں کی مدد سے طاسو قبرستان پر حملہ کیا گیا۔ انہدامی کارروائی میں کئی پرانی قبریں اکھاڑ پھینکیں قبرستان کے تحفظ کے لیے بنائی گئی باڑ اور شیلٹرز بھی اکھاڑ پھینکے۔ یہ شیلٹرز چند ہی ہفتے قبل یافا شہر میں اسلامک کمیٹی کی جانب سے تعمیر کیے گئے تھے۔
نیوز ایب پورٹل ’’فلسطینیون 48 ‘‘ کی جانب سے ایک رپورٹ میں اطلاع دی گئی ہے کہ صہیونی حکام کی طرف سے کسی پیشگی اطلاع کے بغیر قبرستان پر حملہ کرکے نہ صرف قبرستان کی بے حرمتی کی گئی بلکہ کئی پرانی قبروں کو اکھاڑ پھینکا۔ رپورٹ میں بتایا گیا ہے کہ مقامی فلسطینی مسلمانوں نے اپنی مدد آ پ کے تحت طاسو قبرستان کی حفاظت کے لیے ایک باڑ لگائی تھی اور اس میں آنے والے شہریوں کے لیے شیلٹرز تعمیر کیے تھے تاہم صہیونی حکومت کی طرف سے انہیں مسمار کردیا گیا اور یہ کہا گیا ہے کہ قبرستان میں فلسطینیوں کی جانب سے کی گئی تعمیرات سے قبل حکومت سے اجازت نہیں لی گئی تھی۔
بشکریہ:مرکزاطلاعات فلسطین