قابض اسرائیلی حکام جلد ہی بیت لحم کے گائوں بتیر سے تعلق رکھنے والے اسیر ایاد ابو فانون جن کو ابھی حال ہی میں رہا کیا گیا تھا، غزہ ڈی پورٹ کردیں گے۔
اسیر کی وکیل احلام حداد نے مرکز اطلاعات فلسطین کے نمائندے کو بتایا ہے کہ عوفر کی عدالت میں اسرائیلی فوجی استغاثہ نے جمعرات کے روز ابو فانون کو دس سال کے لئے غزہ ڈی پورٹ کرنے یا اپنی سابقہ سزا پوری کرنے میں سے ایک کا انتخاب کرنے کو کہا تھا۔
انہوں نے بتایا کہ استغاثہ نے ابو فانون کو یہ پیشکش ان کے بھوک ہڑتال کرنے کی دھمکی دینے کے بعد دی گئی تھی۔
حداد کا کہنا تھا کہ 35 سالہ ابو فانون کے جلاوطنی پر رضامندی کے بعد عدالت کے حکم پر عمل کرنے کے لئے ایک ماہ لگے گا۔
قابض اسرائیلی فوج نے ابو فانون کو 2011 کے اواخر میں قیدیوں کے تبادلے کی مہم کے نتیجے میں رہائی کے بعد 20 اپریل 2012 کو دوبارہ حراست میں لے لیا گیا تھا۔ انہوں نے اپنی 29 سال کی قید میں سے نو سال قید کاٹ لی ہے۔
بشکریہ:مرکز اطلاعات فلسطین