فلسطین کے مقبوضہ مغربی کنارے میں قائم اسرائیل کی ایک جیل میں اپنے اسیر شوہر سے ملاقات کے لیے آئی فلسطینی خاتون کو صہیونی پولیس نے حراست میں لے لیا۔
مقامی ذرائع نے مرکز اطلاعات فلسطین کو بتایا کہ 30 سالہ نھال غنام غوادرہ بئر سبع کی ایک جیل میں اپنے اسیر شوہر سے ملنے کے لیے آئی تھی جہاں صہیونی حکام نے اسے حراست میں لے کر جیل میں بند کردیا ہے۔
ذرائع کے مطابق ملاقات کے وقت اس کے دو بچے بھی ہمراہ تھے۔ تاہم انہیں بعد ازاں واپس گھر بھیج دیا گیا۔
خیال رہے کہ فلسطینی اسیر معمر غوادرہ کو سنہ2011ء میں حماس اور اسرائیل کے درمیان قیدیوں کے تبادلے کے ایک ڈیل کے تحت رہا کیا گیا تھا۔ اس وقت اسےاسرائیلی عدالت کی جانب سے دو مرتبہ عمر قید اور 32 سال اضافی قید کی سزا سنائی گئی تھی۔
رہائی کے بعد گذشتہ جون کو صہیونی پولیس نے اسے دوبارہ حراست میں لے لیا تھا۔
بشکریہ:مرکزاطلاعات فلسطین