مرکزاطلاعات فلسطین کے مطابق اسرائیلی عدالت کے فیصلے کے خلاف ہفتے کے روز شمالی فلسطین کے شہر الناصرہ میں اسلامی تحریک کے زیراہتمام ایک احتجاجی ریلی نکالی گئی جس میں ہزاروں فلسطینیوں نے شرکت کی۔ مظاہرین نے ہاتھوں میں بینرز اور کتبے اٹھا رکھے تھے جن چارلی ایبڈو کو سرکولیشن کی اجازت دیے جانے کے خلاف شدید نعرے درج تھے۔
ریلی کے شرکاء نے پیغمبر اسلام صلی اللہ علیہ وسلم سے اپنے عشق ومحبت کے اظہار کے لیے بھی بینروں پر ’’یا رسول اللہ ہم آپ پرقربان‘‘ جیسے نعرے تحریر کروا رکھے تھے۔ مقامی ذرائع کے مطابق احتجاجی ریلی کا آغاز ناصرشہر کی جامع مسجد السلام سے ہوا جو شہر کےوسط میں جا کرایک جلسے کی شکل اختیار کرگئی۔ جہاں مقامی فلسطینی رہ نمائوں اور اسلامی تحریک کی قیادت نے ریلی سے خطاب کیا۔
خیال رہے کہ گذشتہ جمعرات کو اسرائیل کی ایک عدالت نے گستاخانہ فرانیسی جریدے’’چارلی ایبڈو‘‘ کو فلسطین میں سرکولیشن کی اجازت دے دی گئی تھی۔ عدالت کے فیصلے کےخلاف فلسطین میں سخت رد عمل پایا جا رہا ہے کیونکہ حال ہی میں اس اخبار کی انتظامیہ نے توہین آمیز کارٹون شائع کرکے ڈیڑھ ارب مسلمانوں کے مذہبی جذبات کو ٹھیس پہنچانے کی مذموم کوشش کی تھی جس پر پوری اسلامی دنیا میں سخت رد عمل سامنے آیا تھا۔
بشکریہ:مرکزاطلاعات فلسطین