مرکزاطلاعات فلسطین کے مطابق کانفرنس کو ’’صہیونی ریاست سے تعلقات کی مزاحمت، قومی مفاد اور شرف انسانی‘‘ کا نام دیا ہے۔ کانفرنس کا اہتمام اسلامک ایکشن فرنٹ کے خواتین ونگ کی جانب سے کیا گیا ہے۔
کانفرنس کی تیاریوں کے حوالے سے بات کرتے ہوئے اسلامک ایکشن فرنٹ کے سیکرٹری جنرل محمد عواد الزیود نے بتایا کہ عمان میں القدس کانفرنس کے انعقاد کا اصل مقصد تمام عرب ممالک بالخصوص اردنی حکومت کو یہ احساس دلانا ہے کہ اس کے اسرائیل کے ساتھ قائم تعلقات ملک و قوم کے مفاد میں نہیں ہیں۔ نیز ہم اس کانفرنس کے ذریعے مسئلہ فلسطین کے حوالے سے پھیلائی گئی صہیونیوں کی افواہوں کو غلط ثابت کرنے کے ساتھ ساتھ فلسطینی اور اردنی تہذیبوں کے باہمی تعلقات پربھی روشنی ڈالیں گے۔
انہوں نے اردنی شہریوں سے پرزور مطالبہ کیا کہ وہ صہیونی ریاست کے بائیکاٹ کے حوالے سےہونے والی سرگرمیوں میں بڑھ چڑھ کرحصہ لیں تاکہ حکومت پربھی اسرائیل کے ساتھ تجارتی، ثقافتی، سیاحتی اور سیاسی معاہدوں سے پیچھے ہٹنے کے لیے دبائو پڑے۔
بشکریہ:مرکزاطلاعات فلسطین