اسلام آباد میں سبکدوش ہونے والے فلسطینی ایلچی حاضم حسین ابوشنب کے اعزاز میں دیئے گئے ظہرانے سے خطاب کرتے ہوئے عرب امارات کے سفیر عیسیٰ عبد اللہ البشانومی نے کہا کہ آزاد فلسطینی ریاست
کا قیام اور اس کا دارالحکومت القدس ہی عالمی امن کی ضمانت ہے۔
پاکستان میں متعین متحدہ عرب امارات کے سفیر عیسیٰ عبد اللہ البشانومی نے کہا ہے کہ آزاد فلسطینی ریاست کا قیام جلد حقیقت بن جائے گا، اسلام آباد میں سبکدوش ہونے والے فلسطینی ایلچی حاضم حسین ابوشنب کے اعزاز میں دیئے گئے ظہرانے سے خطاب کرتے ہوئے انہوں نے کہا کہ آزاد فلسطینی ریاست کا قیام اور اس کا دارالحکومت القدس ہی عالمی امن کی ضمانت ہے، یاسر عرفات کی شروع کی جانے والی جدوجہد رنگ لانے والی ہے۔ تقریب کے مہمان خصوصی وفاقی وزیر چودھری احمد مختار نے فلسطینی عوام کی جدوجہد پر روشنی ڈالتے ہوئے فلسطینی کاز کے لئے پاکستان کی مسلسل حمایت کا یقین دلایا، تقریباً ساڑھے تین سال پاکستان میں تعینات رہنے والے فلسطینی ایلچی حاضم حسین ابوشنب نے اس موقع پر کہا کہ وہ فلسطینی عوام کی جدوجہد میں شامل ہونے کے لئے وطن واپس جارہے ہیں۔
بشکریہ: مرکز اطلاعات فلسطین