(فلسطین نیوز۔مرکز اطلاعات) فلسطین کے مقبوضہ مغربی کنارے کے شمالی شہر نابلس میں دوما کے مقام بدھ کو ایک یہودی شرپسند نے ایک ضعیف العمر فلسطینی شہری کو موٹرسائیکل تلے کچل ڈالا، جس کے نتیجے میں معمر فلسطینی کی موت واقع ہو گئی۔
فلسطین نیوز کو موصول ہونے والی اطلاعات کے مطابق یہودی آباد کار نے شاہراہ پر چلتے ہوئے دانستہ طورپر اپنا موٹرسائیکل 87 سالہ موسیٰ محمد سلمان مسلم پرچڑھا دیا، جس کے نتیجے میں وہ شدید زخمی ہوا۔ بعد ازاں زخموں کی تاب نہ لاتے ہوئے دم توڑ گیا۔مقامی ذرائع کا کہنا ہے کہ فلسطینی شہری کو کچلنے کے بعد یہودی آباد کار جائے وقوعہ سے فرار ہو گیا۔ مقامی فلسطینی شہریوں نے موسیٰ مسلم کو اٹھا کر اسپتال پہنچانے کی کوشش کی تاہم وہ اسپتال پہنچنے سے پہلے ہی دم توڑ گئے۔