بیت لحم – (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر بیت لحم میں گذشتہ روز Â درندہ صفت صہیونی فوجیوں نے ایک فلسطینی شہری کی گرفتاری کے وقت اس کے کم عمر بچے کو وحشیانہ تشدد کا نشانہ بنایا جس کے نتیجے میں بچہ بے ہوش ہوگیا۔
فلسطین نیوز کو موصول ہونے والی اطلاعات کے مطابق مقامی ذرائع نے بتایا کہ صہیونی فوجیوں نے بیت لحم کے شمال میں واقع العزہ پناہ گزین کیمپ میں گھر گھر تلاشی کے دورن 26 سالہ احمد فواد العدوین کو حراست میں لینے کی کوشش کی تو اس کے کم سن بچے نے والد کی گرفتاری کے خلاف چیخ پکار شروع کردی۔
اس موقع پر درندہ صفت فوجیوں نے کم سن بچے کو اٹھا کر زمین پر پٹخ دیا جس کے نتیجے میں بچہ بے ہوش ہوگیا۔ حراست میں لیے گئے شہری کے اہل خانہ نے بتایا کہ صہیونی فوجیوں کے ہولناک تشدد سے زخمی ہونے والے بچےکو اسپتال داخل کیا گیا ہے۔