مقبوضہ بیت المقدس (فلسطین نیوز۔مرکز اطلاعات) اسرائیلی پولیس نے مسجد اقصیٰ کی تعمیرو مرمت کی ذمہ کمیٹی کے ایک سرکردہ عہدیدار کو ایک ہفتے کے لیے کام سے روک دیا۔
فلسطین نیوز کو موصول ہونے والی اطلاعات کے مطابق اسرائیلی پولیس نے مسجد اقصیٰ کی مرمتی کمیٹی کے ایک عہدیدار رائد زغیر کوالقشلہ حراستی مرکز طلب کیا جہاں اسے بدسلوکی کے بعد ایک نوٹس دیا گیا جس میں کہا گیا کہ وہ اگلے سات روز تک مسجد اقصیٰ میں داخل نہیں ہوسکتے۔رائد زغیر نے بتایا کہ اسرائیلی پولیس اسے حراست میں لے کر القشلہ پولیس سیںٹر لے گئی جہاں اسے ایک نوٹس دیا گیا کہ وہ اگلے ایک ہفتے تک قبلہ اوّل میں داخل نہیں ہوں گے۔
انہوں نے بتایا کہ اسرائیلی پولیس نے ایک کاغذ پر دستخط کرنے کو کہا جس میں لکھا گیا تھا کہ میں اگلے پندرہ دن تک مسجد اقصیٰ میں اپنی ڈیوٹی پر نہیں جاؤں گا مگرÂ میں نے دستخط کرنے سے انکار کردیا۔ اس کے بعد ایک ہفتے کے لیے کام سے روک دیا۔