مقبوضہ بیت المقدس – (فلسطین نیوز۔مرکز اطلاعات) فلسطینی محکمہ اوقاف ومذہبی امور نے باور کرایا ہے کہ مسجد اقصیٰ پر صہیونی ریاست کو قانونی عمل داری نافذ کرنے کا کوئی حق نہیں۔
فلسطین نیوز کو موصول ہونے والی اطلاعات کے مطابق فلسطینی محکمہ اوقاف کی طرف سے یہ بیان اسرائیل کی اعلیٰ عدالت کے اس فیصلے کا رد عمل ہے جس میں صہیونی سپریم کورٹ نے اسرائیلی پولیس کو فلسطینی بچوں کو مسجد اقصیٰ کے احاطے میں کھیل کود سے روکنے کی اجازت دی تھی۔فلسطینی محکمہ اوقاف نے ایک بیان میں کہا ہے کہ فلسطینی بچوں کو مسجد اقصیٰ کے احاطے میں کھیلنے کی اجازت دینے سے روکنا اسرائیل کی مذہبی دہشت گردی اور مقدس مقامات تقدس کو پامال کرنا ہے۔
بیان میں زور دے کر کہا گیا ہے کہÂ مسجد اقصیٰ کا 144 دونم خالص مسجد اقصیٰ کے لیے مختص ہے۔ اس میں صہیونی ریاست کی تمام سرگرمیاں باطل اور آسمانی مذاہب کی تعلیمات کے منافی ہیں۔
بیان میں کہا گیا ہے کہ مسجد اقصیٰ کی سیادت، اس کی نگرانی اور سرپرستی کا حق صرف مسلمانوں کے پاس ہے۔ فلسطینی قبلہ اوّل کے متولی ہیں۔ صہیونیوں کو اس مقام میں اپنی مداخلت کا کوئی حق نہیں پہنچتا۔