مرکز اطلاعات فلسطین کے مطابق غرب اردن کے وسطی شہر رام اللہ اور جنوبی علاقے الخلیل میں ناموس رسالت جلوس نکالے گئے جن میں ہزاروں کی تعداد میں مردو خواتین نے شرکت کی۔ مظاہرین نے ہاتھوں میں بینرز اور کتبے اٹھا رکھے تھے جن پر بدبخت فرانسیسی اخبار ’’چارلی ہیبڈو‘‘ کے خلاف سخت الفاظ میں نعرے درج تھے۔ مظاہرین نے مغربی میڈیا کی جانب سے نبی پاک صلی اللہ علیہ وسلم کی شان میں گستاخانہ خاکوں کی اشاعت کے انسانیت دشمنی کا شاخسانہ قرار دیا۔
ناموس ریلیوں کا اہتمام فلسطینی حزب التحریر کی جانب سے کیا گیا تھا۔ رام اللہ میں منعقدہ ریلی سے خطاب کرتے ہوئے تنظیم کے رہ نما باھر صالح نے عالم اسلام سے مطالبہ کیا کہ وہ ناموس رسالت کے تحفظ کی خاطر فوج تشکیل دیں اور ہر اس دشمن قوت کا مقابلہ کیا جائے جو مقدس ہستیوں کی شان میں گستاخی کا مرتکب ہو۔
الخلیل میں منعقدہ ناموس رسالت ریلی میں بھی مقررین نے خطاب کرتے ہوئے مغربی ذرائع ابلاغ کی جانب سے گستاخانہ کارٹون شائع کرنے کی شدید مذمت کرتے ہوئے اسے مذہبی دہشت گردی قرار دیا۔
بشکریہ:مرکزاطلاعات فلسطین