مقبوضہ بیت المقدس (فلسطین نیوز۔مرکز اطلاعات) اسرائیلی پولیس نے مقبوضہ بیت المقدس سے تعلق رکھنے والے ایک فلسطینی نوجوان کو 11 ماہ مسلسل قید سے رہائی کے فوری بعد دوبارہ حراست میں لینے کے بعد دوبارہ حراستی مرکز منتقل کردیا ہے۔
فلسطین نیوز کو موصول ہونے والی اطلاعات کے مطابق اسرائیلی حکام نے القدس سے تعلق رکھنے والے 28 سالہ رامی الفاخوری کو اتوار کے روزجزیرہ نما النقب کی صحرائی جیل سے رہا کیا گیا تھا۔ رہائی کے فوری بعد اسرائیلی ملٹری پولیس نے اسے حراست میں لے لیا۔ ذرائع کا کہنا ہے کہ الفاخوری کو مسکوبیہ جیل منتقل کیا گیا ہے۔مقامی ذرائع نے بتایا کہ رامی الفاخوری کو اسرائیلی پولیس نےاگست 2017ء کو مسجد اقصیٰ کی حمایت میں نوجوانوں کے ایک گروپ کو منظم کرنے کے الزام میں گرفتار کیا اور سترہ ماہ قید کی سزا سنائی تھی۔ اس کے علاوہ اس کا تعلق شہداء الاقصیٰ بریگیڈ سے بھی بتایا جاتا ہے۔