بیت لحم (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر بیت لحم کے میئر پرایک شخص نے تیزدھار آلے سے قاتلانہ حملہ کیا جس کے نتیجے میں وہ شدید زخمی ہو گئے۔
فلسطین نیوز کو موصول ہونے والی اطلاعات کے مطابق ایڈووکیٹ طونی سلمان پر ایک مشتبہ شخص نے سوموار کی شام بلدیہ کے دفتر کے باہر حملہ کیا۔ انہیں زخمی حالت میں اسپتال منتقل کیا گیا ہے تاہم ان کی حالت اب بہتر ہو رہی ہے۔فلسطینی پولیس کے ترجمان کرنل لوئی ارزیقات کا کہنا ہے کہ ملزم حملے کے بعد فرار ہوگیا۔ اس کی شناخت کرلی گئی ہے اور اس کی گرفتار کے لیے چھاپے مارے جا رہے ہیں۔