غزہ (فلسطین نیوز۔مرکز اطلاعات) فلسطینÂ کے علاقے غزہ کی پٹی کے مشرق میں ہونے والے مظاہرے کے دوران مظاہرین نے اسرائیل کا ایک ڈرون طیارہ مار گرایا۔ یہ ڈرون مظاہرین کی تصاویر بنانے کے لیے فضاء میں چھوڑا گیا تھا۔
فلسطین نیوز کو موصول ہونے والی اطلاعات کے مطابق اسرائیل کا ایک ڈرون طیارہ مظاہرین کے اوپر سے گذر رہا تھا کہ اس دوران مظاہرین نے اس پر سنگ باری شروع کر دی۔ مسلسل سنگ باری سے نچلی پرواز کرنے والے اس ڈرون کو مار گرایا گیا۔خیال رہے کہ کل جمعہ کو مشرقی غزہ میں ہزاروں فلسطینیوں نے تحریک حق واپسی کے مظاہروں میں حصہ لیا، اس دوران اسرائیلی فوج نے ریاستی دہشت گردی کے دوران مزید دو فلسطینیوں کو شہید اور درجنوں کو زخمی کردیا۔