غزہ ۔ (فلسطین نیوز۔مرکز اطلاعات) فلسطین کے سرکردہ علماء نے اسرائیلی پابندیوں کے شکار علاقے غزہ کی پٹی پر مسلط کی گئی معاشی پابندیاں فوری طور پراٹھائے جانے کا مطالبہ کیا ہے۔
فلسطین نیوز کو موصول ہونے والی اطلاعات کے مطابق غزہ کی پٹی میں علماء اتحاد کے چیئرمین ڈاکٹر مروان ابو راس نے علماء کانفرنس کےدوران خطاب کرتے ہوئے کہا کہ غزہ کی پٹی کی ناکہ بندی عالمی برادری اور انسانیت کے لیے کام کرنے والے اداروں کے لیے لمحہ فکریہ ہے۔ انہوں نے کہا کہ اب وقت آگیا ہے کہ غزہ کی پٹی کے عوام پر مسلط کی گئی اسرائیلی پابندیوں کا فوری خاتمہ کیا جائے۔خیال رہے کہ غزہ کی پٹی میں گذشتہ روز علماء کونسل کے زیراہتمام ایک کانفرنس ک انعقاد عمل میں لایا گیا ہے۔’’غزہ کی معاشی ناکہ بندی اور درکار کردار‘‘ کےعنوان سے منعقدہ کانفرنس میں سرکردہ علماء نے خطاب کیا۔
اس موقع پرخطاب کرتے ہوئے اردن میں اخوان المسلمون کے سابق سربراہ ڈاکٹر ھمام سعید نے بھی ریکارڈڈ خطاب کیا۔ انہوں نے مسلمان ملکوں پر زور دیا کہ وہ غزہ کی پٹی کے عوام کی فلاح بہبود اور محصورین غزہ کے مسائل کے حل میں اپنا کردار ادا کریں۔ انہوں نے کہا کہ غزہ کے عوام کو جن مالی مشکلات کا سامنا ہے ان کے حل کی بنیادی ذمہ داری عالم اسلام، عرب ممالک اور عالمی برادری پرعائد ہوتی ہے۔