طولکرم (فلسطین نیوز۔مرکز اطلاعات) فلسطین کے مقبوضہ مغربی کنارے میں قائم فلسطینی اتھارٹی نے زیرحراست نوجوان فلسطینی سماجی اور سیاسی کارکن علاء عازم کی رہائی کے لیے دی گئی درخواست مسترد کردی۔
فلسطین نیوز کو موصول ہونے والی اطلاعات کے مطابق عازم مسلسل 19 دن سے فلسطینی اتھارٹی کی جیل میں بغیر کسی الزام کے پابند سلاسل ہیں۔ اطلاعات کے مطابق انہیں دوران حراست فلسطینی اتھارٹی کے جلادوں نے ہولناک تشدد کا بھی نشانہ بنایا ہے۔اسیر کارکن کے اہل خانہ کا کہنا ہے کہ انہیں عازم کی حراست کے حوالے سے سخت تشویش ہے۔ فلسطینی اتھارٹی کی پولیس اسے متعدد بار گرفتار کر کے نام نہاد الزامات کے تحت قید میں رکھنے کا سلسلہ جاری رکھے ہوئے ہے۔
اسیر کے اہل خانہ نے فلسطینی اتھارٹی سے ایک بار پھر اپیل کی ہے کہ وہ علاء عازم کو فوری طورپر رہا کرے اور دیگر سیاسی قیدیوں کی رہائی کا بھی حکم صادر کرے۔