مقبوضہ بیت المقدس – (فلسطین نیوز۔مرکز اطلاعات) اسرائیلی اخبارات میں شائع ہونے والی رپورٹس میں بتایا گیا ہے کہ سرکاری اعدادو شمار کے مطابق دریائے اردن کے مقبوضہ فلسطینی شہروں میں صہیونی آباد کاروں کی تعداد تین لاکھ 80 ہزار ہوچکی ہے۔ جب کہ بیت المقدس میں 2 لاکھ 10 ہزار صہیونی آباد ہیں۔
فلسطین نیوز کو موصول ہونے والی اطلاعات کے مطابق غرب اردن میں آباد کیے گئے صہیونی آباد کاروں کی 44 فی صد تعداد جن کی تعداد ایک لاکھ 68 ہزار 500 صہیونی کالونیوں سے باہر آباد ہیں۔رپورٹ میں بتایا گیا ہے کہ غرب اردن میں بیان کردہ صہیونی آباد کاروں کی تعداد میں فلسطینیوں کی نجی اراضی پر بنائی گئی کالونیوں کے آباد کار شامل نہیں ہیں۔
اسرائیل کی دائیں بازو کی ایک تنظیم ’اب امن‘ کی رپورٹ کے مطابق غرب رادن میں فلسطینیوں کی نجی اراضی پر 97 کالونیاں بنائی گئی ہیں جن میں کئی ہزار صہیونی آباد ہیں۔
اسرائیلی سرکاری اعدادو شمار کے مطابق غرب اردن کی 150 صہیونی کالونیوں میں سات لاکھ Â یہودیوں کی توثیق کی گئی ہے۔
خیال رہے کہ گذشتہ برس 23 دسمبر کو سلامتی کونسل نے فلسطین میں صہیونی آباد کاری روکنے کے مطالبے پرمبنی ایک قرارداد منظور کی تھی۔
اسرائیل سے مطالبہ کیا گیا تھا کہ وہ مقبوضہ عرب علاقوں میں یہودیوں کی غیرقانونی آباد کاری کا سلسلہ فوری طور پربند کرے۔