الخلیل (فلسطین نیوز۔مرکز اطلاعات) بدھ کے روز قابض اسرائیلی فوج نے مقبوضہ مغربی کنارے کے جنوبی شہر الخلیل میں یطا کے مقام پر قائم ایک عارضی اسکول پر دھاوا بولا اور اسکول کے لیے بنائے گئے عارضی شیلٹرز اکھاڑ کرقبضے میں لے لیے اور اسکول کا دیگر سامان بھی ضبط کرلیا۔
فلسطین نیوز کو موصول ہونے والی اطلاعات کے مطابق مقامی فلسطینی سماجی کارکن اور یطا کی یونین کونسل کے چیئرمین محمد الربعی نے بتایا کہ اسرائیلی فوج بلڈوزروں اور دیگر بھاری مشینری کے ساتھ ’خلہ الضبع‘ اسکول پر حملہ آور ہوئی اور اسکول کو غیرقانونی قرار دے کر اس کے شیلٹرز اکھاڑ پھینکے۔الربعی نے بتایا کہ صیہونی فوج نے مجرمانہ بدمعاشی اور غنڈہ گردی کے خلاف اسکول کے طلباء اور اہل محلہ نے شدید احتجاج کیا۔
مقامی شہریوں کا کہنا ہے کہ فلسطینیوں کی املاک، مکانات اور اسکولوں کی مسماری صیہونی فوج کا روز کا معمول بن چکی ہے۔ آئے روز اسرائیلی فوج فلسطینیوں کی املاک کو غیرقانونی قرار دے کرانہیں مسمار کرنے کی مجرمانہÂ کارروائیوں کی مرتکب ہوتی ہے۔