بیت لحم (فلسطین نیوز۔مرکز اطلاعات) اسرائیلی فوج نے فلسطین کے مقبوضہ مغربی کنارے کے جنوبی شہر بیت لحم میں الخضر کے مقام پر ایک کارروائی کے دوران فلسطینی شہری اور اس کا بیٹا حراست میں لے لیا۔
فلسطین نیوز کو موصول ہونے والی اطلاعات کے مطابق مقامی فلسطینی ذرائع کا کہنا ہے کہ اسرائیلی فوج نے آج سوموار کو دیوار فاصل اور صیہونی آباد کاری کے امور کے رابطہ کار 42 احمد محمود صلاح اور اس کے 16 سالہ بیٹے جیفارا کو حراست میں لے لیا۔ دونوں کی گرفتاری الخضر میں السمن کے مقام سے کی گئی۔خیال رہے کہ فلسطین کے علاقوں میں اسرائیلی فوج کی چھاپہ مار کارروائیاں روز کا معمول ہیں۔
ادھر فلسطینی سماجی کارکن عارف دراغمہ نے بتایا کہ اسرائیلی فوج نے وادی اُردن میں الفارسیہ کے مقام پر بکریوں کے چرواہوں کو تعاقب کا نشانہ بنایا۔