خان یونس (فلسطین نیوز۔مرکز اطلاعات) فلسطین کے علاقے غزہ کی پٹی میں اسرائیلی فوج نے جنوبی شہر خان یونس میں توپ خانے سے شدید گولہ باری کی جس کے نتیجے میں کم سے کم تین فلسطینی شہید ہوگئے۔ شہداء کا تعلق مزاحمتی تنظیم اسلامی جہاد سے ہے۔
فلسطین نیوز کو موصول ہونے والی اطلاعات کے مطابق اتوار کو علی الصباح اسرائیلی فوج نے مشرقی خان یونس میں سرایا القادس کے ایک مرکز اور رصدگاہ پر کئی گولے داغے جس کے نتیجے میں تین فلسطینی شہیدÂ ہوگئے۔فلسطینی وزارت صحت کے ترجمان ڈاکٹر اشرف القدرہ نے بتایا کہ اسرائیلی فوجیوں کی بلا اشتعال گولہ باری سے شہید اور زخمی ہونے والے فلسطینیوں کو اسپتال منتقل کیا گیا ہے۔ شہید ہونے والوں کی شناخت 28 سالہ عبدالحلیم الناقہ، 25 سالہ حسن المعور اور نسیم العمور کے نام سے کی گئی ہے۔ اسلامی جہاد نے واقعے کی شدید الفاظ میں مذم کرتے ہوئے کہا ہے کہ تین کارکنوں کی شہادت اسرائیل کی ریاستی دہشت گردی ہے اور ہم جانتے ہیں کہ اس جارحیت کا کیسے اور کب جواب دیا جائے گا۔