مقبوضہ بیت المقدس (فلسطین نیوز۔مرکز اطلاعات) اسرائیلی فوج نے فلسطین کے مقبوضہ بیت المقدس کے نواحی علاقے حان الاحمر کے مقامی فلسطینی باشندوں کو جمعرات تک گاؤں خالی کرنے کا حکم دیا ہے۔
فلسطین نیوز کو موصول ہونے والی اطلاعات کے مطابق اسرائیلی حکام کی طرف سے خان الاحمر کے فلسطینی باشندوں کو کہا گیا ہے کہ وہ جمعرات تک خود کسی متبادل مقام پر چلے جائیں ورنہ حکومت انہیں ابو دیس میں بوابہ الشمس منتقل کردیا جائے گا۔خان الاحمر سوسائٹی کے ترجمان عید الجھالین نے بتایا کہ ان کا کیس اسرائیل کی ایک مقامی عدالت میں ہے اور اس کی اگلی سماعت پرسوں بدھ کو ہوگی، مگر اسرائیلی حکام انہیں عدالتی فیصلے سے پہلے ہی بے دخل کرنے کی سازش کررہے ہیں۔ ان کا کہنا تھا کہ خان الاحمر کے باشندں کے پاس کوئی اور متبادل جگہ نہیں۔ اسرائیلی ریاست انتقامی کارروائی کے تحت انہیں وہاں سے بے دخل کرنا چاہتی ہے۔