رام اللہ (فلسطین نیوز۔مرکز اطلاعات) فلسطین کے مقبوضہ مغربی کنارے کے جنوبی شہر الخلیل میں بیت اولا کے مقام پر چند روز قبل اسرائیلی بس کی ٹکر سے زخمی ہونے والا فلسطینی نوجوان زخموں کی تاب نہ لاتے ہوئے دم توڑ گیا۔
فلسطین نیوز کو موصول ہونے والی اطلاعات کے مطابق 23 سالہ ھانی فائز العداربہ کو چند روز قبل اسرائیلی بس نے کچل ڈالا تھا۔
فلسطینی وزارت صحت کی طرف سے جاری کردہ بیان میں کہا گیا ہے کہ العداربہ اسپتال میں چند روز تک انتہائی نگہداشت وارڈ میں زیرعلاج رہنے کے بعد کل جمعہ کو دم توڑ گیا۔ العداربہ کو اسرائیلی بسنے چند روز قبل شمالی الخلیل میں شاہراہ 35 پر راہ چلتے ہوئے کچل ڈالا تھا۔