(فلسطین نیوز۔مرکز اطلاعات) اسرائیل کی فوجی عدالتوں کی جانب سے کم عمر فلسطینیوں کو قید کی سزاؤں کے ساتھ ساتھ بھاری جرمانوں کی سزاؤں کا سلسلہ جاری ہے۔ تفصیلات کے مطابق گذشتہ مہینے (مئی) میں اسرائیل کی فوجی عدالتوں سے مجموعی طورپر 88 ہزار شیکل جرمانے کیے گئے۔ امریکی کرنسی میں یہ رقم 23 ہزار ڈالر سے زیادہ بنتی ہے
فلسطین نیوز کو موصول ہونے والی اطلاعات کے مطابق کلب برائے اسیران کی جانب سے جاری کردہ ایک بیان میں کہا گیا ہے کہ عوفر نامی عدالت نے پچھلے ماہ مجموعی طورپر 48 فلسطینی بچوں جن کی عمریں 18 سال سے کم تھیں کو پانچ ماہ سے30 ماہ تک قید کی سزائیں بھی سنائیں۔ اس کے علاوہ ان بچوں سے 88 ہزار شیکل جرمانے وصول کیے گئے۔
کلب کا کہنا ہے کہ عوفر جیل میں 18 سال سے کم عمر 183 فلسطینی لڑکے پابند سلاسل ہیں جب کی مجد جیل میں پابند سلاسل فلسطینی بچوں کی تعداد 81 بتائی جاتی ہے۔ دیگر جیلوں میں 50 فلسطینی بچے پابند سلاسل ہیں۔