قابض صہیونی ریاست کی فوجی عدالتوں نے حراست میں رکھے گئے 67 فلسطینیوں کی مدت حراست میں توسیع کی منظوری دی ہے۔
مرکز اطلاعات فلسطین کے مطابق اسیران کے حقوق کے لیے سرگرم تنظیم "کلب برائے اسیران” کی جانب سے جاری ایک بیان میں بتایا گیا ہے کہ اسرائیلی فوجی عدالتوں نے محروس فلسطینی شہریوں پر قائم مقدمات کی مزید تحقیقات اور تفتیش کی غرض سے ستاسٹھ قیدیوں کی مدت حراست میں توسیع کی منظوری دی ہے۔بیان میں بتایا گیا ہے کہ مغربی کنارے میں قائم "سالم” فوجی عدالت نے ایسر اشتیہ، رامی قواریق، علاء ابو بکر، محمد حصری، سعد برجیس،، زھیر رمانہ، ایمن سعد، سامر دشون، عمران مرزوق، عبدالحکیم سیف، عزت سیف، اسامہ خلف، ابراابو عمر، ماجد حجہ، صالح داؤد، فراس نوبانی، ایمن فریحات، اشرف الھدیٰ اور محن طحاینہ کی مدت حراست میں توسیع کی منظوری دی۔
"بیت تکفا” عدالت کی جانب سے ساجی طبیب، مجدی طبش، جریر محمود، ساجد نجار، مالک اشتیہ، رامی نجار، اور عسقلان عدالت کی جانبب سے سائد زماعرہ، رمزی جعبری، عبیدہ زعتری اور ایمن صلاحیت کی مدت حراست میں اضافہ کردیا گیا۔
الجلمہ جیل میں زیرحراست خالد عبیہ، خالد ابو عمرہ، ابو صالح عبدالحق خدرج، عبدالرحمن خدرج، نمر مصراوی، محمد مرائطہ، احمد الونہ، محمود الونہ، فادی بشارات، احمد حمدان، طھ عبداللہ، رجا ماضی، محمد سعدی، خلیل سعدی اور محمد صبح کی مدت حراست میں اضافہ کیا گیا۔