عیسائیوں کے مذہبی اور روحانی پیشوا پوپ ویٹی کن کے دورہ فلسطین کے موقع پر اسرائیل نے مقبوضہ بیت المقدس میں یہودی توسیع پسندی کا ایک نیا منصوبہ جاری کیا ہے۔ اسرائیلی بلدیہ کی جانب سے اس منصوبے پرعمل درآمد کرتے ہوئے شہر میں یہودیوں کے لیے 50 نئے رہائیشی فلیٹس تعمیر کرنے کا اعلان کیا ہے۔
اسرائیل میں انسانی حقوق کے لیے سرگرام ایک ادارے کی جانب سے جاری بیان میں بتایا گیا ہے کہ بیت المقدس کی صہیونی بلدیہ کی طرف سے پچاس مکانات کی تعمیر دراصل پوپ کے دورہ فلسطین کا ردعمل ہے۔ یہ مکانات مشرقی بیت المقدس میں "ھارحوماہ” نامی کالونی میں تعمیر کیے جائیں گے۔خیال رہے کہ فلسطین کے مقبوضہ مغربی کنارے کے شہر بیت لحم سے متصل اس کالونی کا قیام سنہ 1996ء میں جبل ابو غنیم کے مقام پر عمل میں لایا گیا تھا۔ آج تک اس کالونی میں کئی توسیعی منصوبے مکمل کیے جا چکے ہیں۔