مغربی کنارے میں فلسطینی اتھارٹی کی جانب سے سیاسی اختلافات کی پاداش میں گرفتاریوں کے خلاف شہریوں کے احتجاجی دھرنے جاری ہیں۔ سیاسی اسیران کی کمیٹی، رابطہ شباب مسلم اور دیگر تنظیموں نے عوام سے اسی سلسلے کے 33ویں دھرنے میں بھرپور شرکت کی اپیل کی ہے۔
’’بھوک ہڑتال کا اعلان کرو، اپنے حقوق پاؤ‘‘ کے عنوان سےفلسطینی اتھارٹی کے مظالم کے خلاف یہ دھرنا اور احتجاجی مارچ الخلیل کے ابن رشدچوک میں جمعرات کی دوپہر ڈیڑھ بجے شروع ہو جائے گا۔
سیاسی بنیادوں پر معطل کیے گئے افراد بھی دھرنے میں بھرپور شرکت کریں گے۔ دھرنے کے منتظمین نے اتھارٹی کی جیلوں میں بھوک ہڑتال کرنے والے سیاسی اسیران کی کاوشوں کو سہرایا اور بھوک ہڑتال کر کے رہائی پانے والےاسیران کو خراج تحسین پیش کیا۔
بشکریہ: مرکز اطلاعات فلسطین