مغربی کنارے کی فلسطینی اتھارٹی کی جانب سے اپنے زیر انتظام علاقوں میں حماس کے حامیوں کے خلاف کریک ڈاؤن جاری ہے۔ جمعرات کی علی الصبح الخلیل اور نابلس سے مزید چار شہری گرفتار کر لیے گئے۔ دوسری جانب تیس سے زائد افراد کو تفتیشی مراکز طلب کرلیاگیا ہے۔
طولکرم کے میڈیکل ذراسع نے بتایا کہ فلسطینی اتھارٹی نے سیاسی بنیادوں پر گرفتار ایک حماس حامی کو صحت کی خراب صورتحال کے باعث ہسپتال منتقل کیا ہے۔
تفصیلات کے مطابق نابلس میں فتح کی ترجمان فلسطینی اتھارٹی کی خفیہ ایجنسی کے اہلکاروں نے فادی حمد اور سعید لطفی کو بلاطہ کے علاقے سے حراست میں لیا وہ اس سے قبل بھی گرفتار کیے جا چکے ہیں۔ شہر بھر اتھارٹی کے اہلکاروں نے بڑا آپریشن کیا اور مختلف گھروں میں چھاپے مار کر تیس سے زائد شہریوں کو پوچھ گچھ کے لیے تفتیشی مراکز میں حاضری کے نوٹسز جاری کیے۔
تفتیش کے لیے طلب کیے جانے والوں میں یونیورسٹی طلبہ اور رکن پارلیمان شیخ حامد بیتاوی کے بیٹے انجینئیر فضل بیتاوی بھی شامل ہیں۔ پوچھ گچھ کے لیے بلائے جانے والوں میں عامر جودہ اللہ، ایاد عصفور، یاسر مناع، عبد اللہ ابوسمرہ، جاسر عوادہ، رائد ابوزنط، ڈاکٹر منتصر اور نجاح یونیورسٹی کے متعدد طلبہ شامل ہیں۔
طولکرم میں اتھارٹی کی سکیورٹی فورسز کے اہلکاروں نے پہلے سے گرفتار حماس کے رہنما فادی العموری، چونتیس سالہ، کے گھر پر چھاپہ مار کر گھروالوں کو زدوکوب کیا۔ العموری اس سے قبل کئی سال اسرائیلی جیلوں میں بھی بتا چکے ہیں۔
بشکریہ: مرکز اطلاعات فلسطین