مقبوضہ بیت المقدس (فلسطین نیوز۔مرکز اطلاعات) مقبوضہ بیت المقدس کے ادارہ برائےÂ اوقاف و اسلامی امور کا کہنا ہے کہ 30 لاکھ سے زائد مسلمانوں نے ماہ رمضان کے دوران مسجد اقصیٰ میں نماز اور عبادت کے لئے حاضری دی۔
فلسطین نیوز کو موصول ہونے والی اطلاعات کے مطابق محکمہ اوقاف کی جانب سے جاری کردہ ایک بیان میں بتایا گیا کہ ماہ صیام کے دوران فلسطینی شہروں اور دیگر اسلامی ممالک سے تعلق رکھنے والے 30 لاکھÂ مسلمان مسجد اقصیٰ میں داخل ہوئے تھے۔محکمہ اوقاف نے اس موقع پر اپنے عہد کی تجدید کی کہ "بیت المقدس اور مسجد اقصیٰ ہماری تمام تر کوششوں کا محور رہیں گے تاکہ غاصب صیہونی قوتیں ان پر تسلط نہ جما سکیں”۔
محکمہ اوقاف نے ماہ رمضان اداروں، تنظیموں، طبی سنٹرز، اسکاؤٹس، رضاکارانہ کمیٹیوں اور بیت المقدس سے تعلق رکھنے والے نوجوانوں کا شکریہ ادا کیا کہ انہوں نے مسجد اقصیٰ اور اس میں آنے والے افراد کی بے حد مدد کی۔
اس موقع پر محکمہ نے سحری اور افطاری کے دوران مسجد اقصیٰ میں کھانوں کی موجودگی کو یقینی بنانے اداروں کی بھی ستائش کی۔
مسجد اقصیٰ کو سال بھر اسرائیلی پولیس اور صیہونی آباد کاروں کی جانب سے مسلسل بے حرمتی کا نشانہ بنایا جاتا ہے۔ اس دوران صیہونی آباد کار مسجد اقصیٰ کی بحالی کی کمیٹی اور مسجد کے محافظوں کو بھی زدوکوب کرتے نظر آتے ہیں۔