مرکزاطلاعات فلسطین کے مطابق اسرائیل کی ایک مجسٹریٹ عدالت نے شمالی بیت المقدس خلہ القرعان کے مقام پر سمیر امیس کالونی میں واقع آٹھ عمارتوں کے تئیس فلیٹس خالی کرنے کا حکم دیا ہے۔
مقامی ذرائع کا کہنا ہے کہ مجسٹریٹ عدالت کی جانب سے مکانات کے مالکان کو اگست تک کی مہلت دی گئی اور کہا گیا ہے اگست تک مکانات خالی نہ ہونے کی صورت میں طاقت کے ذریعے خالی کرائے جائیں گے۔
فلسطینی اخبار’’القدس‘‘ کی رپورٹ کے مطابق جن تئیس مکانات کے خالی کئے جانے کے احکامات دیے گئے ہیں۔ ان میں سے 110 افراد رہائش پذیر ہیں۔ ان مکانوں کو خالی کرانے کی مہم کےپیچھے ایک سرکردہ یہودی لیڈر اریے کنگ کا ہاتھ ہے۔ تاہم فلسطینی شہریوں کا کہنا ہے کہ انہوں نے مکانات کی 19 دونم جگہ خرید کی تھی جس میں سے دس دونم جگہ صہیونی فوج نے دیوار فاصل کی غرض سے ضبط کرلی تھی۔ بقیہ اراضی پر مقامی فلسطینی شہریوں کامل عبدالقادر کی ملکیت میں دو، اکرم ابو شلبک کی ایک، حمدی الرجی کی دو، جبر خضر کی دو، اسماعیل خضر کی دو ،جمال ابو لیل کی تین، عمرمعلوف کئ چار، ناجح الرجبی کی پانچ، محمد ابو شلبک کی ایک اور سعید ابو شلبک کی ملکیت میں ایک فلیٹ ہے۔
بشکریہ:مرکزاطلاعات فلسطین