فلسطین نیوز کو موصول ہونے والی اطلاعات کے مطابق مغربی کنارے کے مختلف شہروں میں گھر گھر تلاشی کے دوران دو درجن فلسطینیوں کو حراست میں لے لیا۔
اسرائیلی فوج کی طرف سے جاری کردہ ایک بیان میں کہا گیا ہے کہ تلاشی کی کاروائیوں میں 23 فلسطینیوں کو حراست میں لیا ہے۔ ان میں سے بعض اسرائیلی فوج کو مطلوب فلسطینی بھی شامل ہیں جو اسرائیلی فوج اور صیہونی آباد کاروں پر حملوں میں ملوث رہے ہیں۔
عینی شاہدین نے بتایا کہ اسرائیلی فوج نے گھر گھر تلاشی کے دوران گھروں کی چادر اور چار دیواری کا تقدس پامال کیا۔ خواتین اور بچوں کو ہراساں کیا گیا اور گھروں میں لوٹ مار کے ساتھ ساتھ قیمتی سامان کی توڑپھوڑ بھی کی۔ لوٹ مار کے دوران ہزاروں شیکل کی نقد رقم اور زیورات بھی چھین لیے گئے۔
ادھر غزہ کی پٹی میں سمندر میں ماہی گیری کرنے والے فلسطینیوں کی کشتیوں پر اسرائیلی فوج نے فائرگ کی جس کے نتیجے میں متعدد کشتیوں کو نقصان پہنچا تاہم کسی قسم کے جانی نقصان کی اطلاع نہیں ملی۔