مقبوضہ بیت المقدس – (فلسطین نیوز۔مرکز اطلاعات) اسرائیل کی ایک مجسٹریٹ عدالت کی جانب سے ایک فلسطینی سماجی کارکن کو متعدد جعلی الزامات کے تحت 20 ماہ قید کی سزا کا حکم دیا ہے۔
فلسطین نیوز کو موصول ہونے والی اطلاعات کے مطابق بیت المقدس میں قائم اسرائیل کی ’مجسٹریٹ عدالت‘ نے 29 سالہ سامر حسام صالح ابو عیشہ کے مقدمہ کی سماعت کے بعد اسے بیس قید کی سزا کا حکم دیا۔سامر ابو عیشہ کو اسرائیلی فوجیوں نے ریڈ کراس کے دفتر سے 6 جنوری 2016ء کو حراست میں لیا تھا۔ صہیونی فوج نے اسے بیت المقدس سے بے دخل کرنے کا حکم دیا تھا تاہم ابو عیشہ نے بے دخلی کا فیصلہ مسترد کرتے ہوئے ریڈ کراس کے دفتر میں پناہ لے لی تھی۔
گرفتاری کے بعد ابو عیشہ کو جیل منتقل کیا گیا تھا جہاں اسے تشدد کا بھی نشانہ بنایا جاتا رہا ہے۔ ابو عیشہ اس وقت جلبوع نامی حراستی مرکز میں پابند سلاسل ہیں۔
اسیر کے والد نے بتایا کہ اس کے بیٹے کو ظالمانہ سزا سنائی گئی ہے۔ وہ پہلے ہی گیارہ ماہ قید کی سزا کاٹ چکا ہے۔