وادی اردن – (فلسطین نیوز۔مرکز اطلاعات) اسرائیلی حکام نے مقبوضہ فلسطین کے علاقے شمالی وادی اردن میں فلسطینیوں کے سولہ گھروں سمیت متعدد شیڈ کی تعمیر رکوا دی ہے۔
فلسطین نیوز کو موصول ہونے والی اطلاعات کے مطابق فلسطینی خبر رساں ادارے "وفا” نے شمالی وادی اردن کے علاقے میں متذکرہ تعمیرات کے انچارج معتز بشارات کے حوالے سے اپنی رپورٹ میں بتایا کہ صہیونی حکام نے علاقے میں تقریبا سولہ ایسی تعمیرات روکنے کا حکم دیا ہے۔بشارات کا مزید کہنا تھا کہ تعمیرات گرانے کے اسرائیلی نوٹس کی مدت 26 فروری کو ختم ہو رہی ہے۔ ابو کباش خاندان کی ملکیتی ان تعمیرات میں سات گھرانوں کو چھت فراہم کرنا تھی۔