مقامی ذرائع نے مرکزاطلاعات فلسطین کو بتایا کہ مقامی شہریوں اور اسرائیلی فوج کے درمیان جمعہ کو علی الصباح عیسویہ میں اس وقت کشیدگی پیدا ہوئی جب قابض فوجی اہلکاروں نے گھروں کی چادر اور چار دیواری کا تقدس پامال کرتے ہوئے دیواریں پھلانگ کر اندر داخل ہونے کی کوشش کی۔ اسرائیلی فوج کی کارروائی کے رد عمل میں فلسطینی سڑکوں پر نکل آئے اور صہیونی ریاست کے خلاف شدید نعرے بازی کی۔
مظاہرین کو منتشر کرنے کے لیے قابض فوج نے ربڑ کی گولیاں چلائیں جس کے نتیجے میں کم سے کم دو افراد زخمی ہوئے ہیں۔
اسی کارروائی کے دوران ایک 14 سالہ لڑکے بشار جبارین کو حراست میں لے کر نامعلوم مقام پر منتقل کر دیا گیا۔
خیال رہے کہ مقبوضہ بیت المقدس اور مغربی کنارے میں گذشتہ چند ہفتوں سے اسرائیلی فوج اور فلسطینی شہریوں کے مابین مسلسل کشیدگی پائی جا رہی ہے۔ مسجد اقصیٰ پر یہودی حملوں کے بعد پرتشدد واقعات میں متعدد یہودی ہلاک اور کئی فلسطینی شہری شہید اور سیکڑوں گرفتار کیے جا چکے ہیں۔
بشکریہ:مرکزاطلاعات فلسطین