(فلسطین نیوز۔مرکز اطلاعات) اسرائیلی حکام نے ایک فلسطینی شہری کو 13 سال قید میں رکھنے کے بعد رہا کردیا ہے۔ اطلاعات کے مطابق مہند عبدالرؤف محمد الجعبری کی رہائی سوموار اور منگل کی درمیانی شب عمل میں لائی گئی۔
رپورٹ کے مطابق رہائی پانے والے فلسطینی شہری الجعبری کا آبائی تعلق غرب اردن کے جنوبی شہر الخلیل سے ہے۔قبل ازیں مہند الجعبری کے اہل خانہ نے بتایا تھا کہ اسرائیلی حکام ک جانب سے انہیں اطلاع دی گئی ہے کہ الجعبری کو رہائی کے بعد جلد ہی خاندان کے حوالے کردیا جائے گا۔
خیال رہے کہ مہند الجعبری کو صہیونی فوجیوں نے 28 مارچ 2003 ء کو گرفتار کیا تھا۔ ان پر اسلامی جہاد کےعسکری ونگ القدس بریگیڈ سے تعلق اور اسرائیل کے خلاف مزاحمتی کارروائیوں میں حصہ لینے کا الزام عائد کیا گیا تھا۔