اسرائیل کے عبرانی ہفت روزہ ’’کول ھعیر‘‘ کی رپورٹ میں بتایا گیا ہے کہ بیت المقدس میں ایک کارخانے کا قیام ایک ہفتہ پیشتر عمل میں لایا گیا ہے سے ’’بیزک ٹکسٹائل‘‘ کا نام دیا گیا ہے جبکہ مزید 12 کارخانوں کے جلد قیام پرکام جاری ہے۔ جلد ہی ان کا بھی افتتاح کردیا جائے گا۔
رپورٹ کے مطابق ایک ہفتہ پیشتر صہیونی حکومت نے بیت المقدس کے 1400 مربع میٹر رقبے پر ایک کارخانہ قائم کیا۔ یہ کپڑا تیار کرنے کی ایک بڑی فیکٹری ہے۔ اس کے علاوہ دیگر کارخانوں میں کھانے کی اشیاء، فرنیچر اور دیگر سامان تیارکیا جائے گا۔
خیال رہے کہ اسرائیل کی دو یہودی کالونیوں ’’معالیہ ادومیم‘‘ اور میشور ادومیم مقبوضہ بیت المقدس اور مغربی کنارے کے درمیان یہودی توسیع پسندی کے بڑے منصوبوں میں شامل ہیں۔ ان یہودی کالونیوں میں صہیونی حکومت نے پہلے بھی درجنوں کارخانے قائم کررکھے ہیں۔
بشکریہ:مرکزاطلاعات فلسطین