جنین (فلسطین نیوز۔مرکز اطلاعات) اسرائیل کی جیلوں میں مسلسل بارہ سال تک قید وبند کی صعوبتیں جھیلنے والے ایک فلسطینی کو گذشتہ روز رہا کردیا گیا۔
فلسطین نیوز کو موصول ہونے والی اطلاعات کے مطابق غرب اردن کے شہر جنین سے تعلق رکھنے والے احمد محمد سلیم زیود مغربی جنین کے السیلہ الحارثیہ سے تعلق رکھتے ہیں۔زیود کو اسرائیلی زندانوں میں طویل عرصے تک قید تنہائی میں رکھا گیا۔ رہائی کے بعد اپنے اہل خانہ اور اقارب سے بات چیت کرتے ہوئے زیود کا کہنا تھا کہ مجھے اپنی رہائی کی خوشی ہے مگر یہ خوشی ادھوری ہے۔ یہ اس وقت تک مکمل نہیں ہوسکتی جب تکÂ اسرائیلی زندانوں میں قید تمام فلسطینیوں کو رہا نہیں کردیا جاتا۔
رہائی پانے والے فلسطینی نے بتایا کہ اس کے اسیر ساتھیوں میں بڑی تعداد میں بیمار ہیں اور انہیں صیہونی جیلروں کی طرف سے مجرمانہ غفلت اور دانستہ لاپرواہی کا سامنا ہے۔