(روزنامہ قدس ۔آنلائن خبر رساں ادارہ) کشمیری نوجوانوں کو بانڈی پورہ قصبے کے نواحی علاقے وترینہ میں محاصرے اور تلاشی کی ایک کارروائی کےبہانے گھروں سے نکالا اور تشدد کا نشانہ بنانے کے بعد فائرنگ کر کے شہید کیا۔
کشمیر میڈیا سروس کی جاری رپورٹ کے مطابق گذشتہ روز بھارتی قابض فوج کی جانب سے ضلع بانڈی پورہ میںگھر گھر تلاشی کے بہانے علاقے میں داخل ہونے والی بھارتی فوج نے بغیر کسی جرم کے 2 کشمیری نوجوانوں کو شہید کردیا۔
مزید تفصیلات کے مطابق قابض بھارتی فوج کی 14راشٹریہ رائفلز سمیت دیگر فورسز نےدونوں کشمیری نوجوانوں کو بانڈی پورہ قصبے کے نواحی علاقے وترینہ میں محاصرے اور تلاشی کی ایک کارروائی کےبہانے گھروں سے نکالا اور تشدد کا نشانہ بنانے کے بعد فائرنگ کر کے شہید کیا۔
آخری خبر موصول ہونے تک قابض فورسزکا فوجی آپریشن جاری ہے جبکہ بھارتی فوج نے علاقے کو چاروں جانب سے گھیرے میں رکھا ہےاور علاقہ مکینوں پر اسلحہ کے زور پر گھروں سے نا نکلنے کی جبری پابندی عائدکر رکھی ہے۔
بشکریہ: کشمیر میڈیا سروس
