فلسطین فاؤنڈیشن پاکستان کے تحت مرکزی جلوس عید میلاد النبی میں شربت کی سبیل اور استقبالیہ کیمپ لگایا گیا

کراچی(فلسطین نیوز۔مرکز اطلاعات) فلسطین فاؤنڈیشن پاکستان کے تحت جشن ولادت با سعادت رحمة اللعالمین (ص) کے موقع پر کراچی میں مرکزی جلوس کے دوران استقبالیہ کیمپ اور ٹھنڈے شربت کی سبیل کے ساتھ فلسطین میں ہونے والے صیہونی مظالم کو آشکار کرنے کے لئے تصویریں آویزاں کی گئیں ۔

 

استقبالیہ کیمپ اور شربت کی سبیل پر فلسطین فاؤنڈیشن اور سماجی تنظیم جناح کے سپاہی کے اراکین شرکائے جلوس کو پانی و شربت پیش کر رہے ہیں ۔ اس موقع پر فلسطین فاؤنڈیشن پاکستان کے سیکرٹری جنرل صابر ابو مریم اور جناح کے سپاہی کے چئیر مین اور معروف تقریر دان اویس ربانی سمیت مظہر احمد خان، ریحان انصاری، مدثر اے خان، ظہیر حیدر، محمد نبیل، فخر زمان، یاسر حبیب، شرجیل بیگ، حسن شاہ اور دیگر موجود تھے۔
شرکائے جلوس کی جانب سے فلسطین فاؤنڈیشن کے استقبالیہ کیمپ اور سبیل سمیت تصویری نمائش کو سراہا گیا اور تحسین کی گئی۔