بیروت – (فلسطین نیوز۔مرکز اطلاعات) اسلامی تحریک مزاحمت ’حماس‘ نے لبنانی حکومت سے مطالبہ کیا ہے کہ وہ بیروت کے نواح میں قائم عین الحلوۃ پناہ گزین کیمپ کے گرد کنکریٹ کی دیوار تعمیر نہ کرے کیونکہ اس کے نتیجے میں فلسطینی پناہ گزینوں کو مشکلات کا سامنا کرنا پڑ سکتا ہے۔
فلسطین نیوز کو موصول ہونے والی اطلاعات کے مطابق گذشتہ روز لبنان میں حماس کے مندوب علی برکہ نے مفتی اعظم لبنان ڈاکٹر عبدالطیف دریان سے ملاقات کی۔ اس ملاقات میں انہوں نے کہا عین الحلوۃ پناہ گزین کیمپ کے گرد سیمٹ کی دیوار تعمیر کرنے سے لبنان۔ فلسطین برادرانہ تعلقات پر منفی اثرات مرتب ہوں گے۔علی برکہ نے ڈاکٹر الطیف دریان سے مطالبہ کیا کہ بیروت حکومت فلسطینی اور لبنانی قوم کے درمیان محبت کے پل تعمیر کرے، نفرت کی دیواریں کھڑی نہ کرے۔
علی برکہ نے کہا کہ حماس لبنان کی سلامتی کی خواہاں ہے اور دونوں ملکوں کے درمیان برادرانہ تعلقات کو مزید مستحکم کرنا چاہتی ہے۔
ملاقات کے موقع پر حماس کے رہنما ابوالعبد مشہور اور لبنان میں جماعت کے تعلقات عامہ کے انچارج زیاد حسن بھی موجود تھے۔