لندن – (فلسطین نیوز۔مرکز اطلاعات) شام کے دارالحکومت دمشق کے قریب قائم فلسطینی پناہ گزین کیمپ ’’خان الشیخ‘‘ میں امدادی سرگرمیوں میں پیش پیش ایک سرکردہ فلسطینی سماجی کارکن بمباری کی زد میں آ کر شہید ہوگئے ہیں۔
فلسطین نیوز کو موصول ہونے والی اطلاعات کے مطابق خان الشیخ پناہ گزین کیمپ میں امدادی کاموں میں پیش پیش رہنے والے سماجی کارکن محمود ابو صلاح کو گذشتہ روز بمباری کے دوران شہید ہوگئے۔ شہید محمود ابو صلاح کا شمار خان الشیخ اور دیگر شامی علاقوں میں امدادی کاموں میں پیش پیش سماجی کارکنوں میں ہوتا تھا۔ ان کی شہادت سے شامی اور فلسطینی شہری ایک انسان دوست شخصیت اور جاں باز امدادی کارکن سے محروم ہوگئے ہیں۔لندن میں قائم مرکز برائے حق واپسی کے چیئرمین ماجد الزیر نے کہا کہ ابو صلاح کا قتل انسانیت کا قتل ہے کیونکہ ابو صلاح کسی کے دشمن نہیں بلکہ انسانیت کے دوست تھے۔ انہوں نے تمام تر مشکل حالات میں اپنی جانوں پر کھیل کرجنگ سے متاثرہ شامی اور فلسطینی پناہ گزینوں کی مدد یقینی بنانے کی قابل قدر مساعی کیں۔ بمباری میں ابو صلاح کو شہید کرکے فلسطینیوں اور زخم خوردہ شامی شہریوں کے ایک معاونت کار کو شہید کیا گیا ہے۔